italiano | deutsch | ladin Gherdëina | ladin Badia


PUNT
INFORMATIF-DIDATICH
POR L'EDUCAZIUN AL
CONSUM


por jogn consumadus


La legislaziun europeica, nazionala y provinziala scona le consumadù. Le Codesc dl consum (decret legislatif nr. 206/2005) acordëia i dërć fondamentai dl consumadù, sciöche:

  • La sconanza dla sanité
  • La segurëza y la cualité de produć y sorvisc
  • L’informaziun adeguada y la publizité coreta

Produć sigüsc, contrac trasparënć y zënza tlausoles restritives, publizité zënza ingianè y trasparënza tl’indicaziun di prisc. Chisc é i dërć da sconè.

Te Südtirol ân bele odü ite tl 1992 l’importanza dl consumadù (L.P. 15/92) y sön chësta fondamënta él nasciü le Zënter por la Sconanza dl Consumadù.

Al dedaicö, propi por merit dla colauraziun de Istituć Pedagogics y d’atres istituziuns, pëiel ia le proiet INFO CONSUM cun l’intenziun de pité n sorvisc didatich-formatif, metü sö suradöt por jogn consumadus.

Tla sënta INFO CONSUM, tla strada Brenner a Balsan, él dan man materiai didatics da podëi consulté y al é da ciafè informaziuns sön tematiches dl consum. INFO CONSUM pîta inće n sorvisc de consulënza ai insegnanć por organisé incuntades formatives tles scores.

Nosc sorvisc pîta:

  • materiai didatics
  • leteratöra spezialisada
  • consulënza debann
  • intervënć de formaziun te scora


I argomenć tratà é düć chi che à da fà cun le consum y l'economia, y plü avisa:

  • le consumadù y les iniziatives por süa sconanza
  • döt ći che a da fà cun le telefonn zelular, (lié ales conseguënzes de sanité y de cosć)
  • le retlam de produć de marca y la moda di jogn
  • la segurëza informatica tl'adoranza de internet

Al é la poscibilité da jì ite sön tematiches plü spezialistiches cun i insegnanć (sparagn, assiguraziun, sorvisc publics, sparagn de energia, alimentaziun, biocostruziun, ...) adöm cun i consulënć dl Zënter por la sconanza di Consumadus.


Chisc é nüsc orars por le publich:

LÖNESC
JÖBIA
10.00 - 12.00 | 16.00 - 18.00
MERTESC
MERCUI
VENDRES
sunse tles scores o i ùn tlasses che vëgn te nosc ofize

I ùn nosta sënta a Balsan, tla strada Brenner 3

Telefonn 0471 941465
Telefax 0471 941467

infoconsum@centroconsumatori.it

 


Program finanzié dal
Ministêr por le svilup economich

sot al patrozinium dla
Provinzia Autonoma da Balsan - Südtirol
Presidium - ofize Kabinett

en colaboraziun cun:

Formaziun profescionala Südtirol, Formaziun profescionala todëscia y ladina

Pädagogisches Institut für die deutsche Sprachgruppe

Istitut Pedagogich Ladin

Intendenza Scolastica Italiana

Zënter por la Sconanza dl Consumadù.